Framkvæmdir eru í fullum gangi og nú síðast var rifinn niður eitt stykki milliveggur svo fleiri komist að í hlöðunni en áður. Sviðið hefur verið rifið til þess eins að flytja það og setja upp aftur á öðrum og betri stað. Video af stórviðburðinum þegar múrinn féll er væntalegt á síðuna á morgun. Einnig var hlaðan sett í tónleikabúninginn með segli ársins sem vegfarendur í Mývatnssveit geta séð.

Mikið hefur verið spurt út í tjaldstæðamál og standa málin þannig að tjaldstæði verður um 500 m frá tónleikahlöðunni og mun kosta litlar 1000 kr per mann alla helgina. Tjaldstæði þetta er sett upp fyrir hátíðina og verður útbúið með helstu nútímaþægindum eins og rennandi vatni og kömrum. Reglur tjaldstæðisins verða birtar á síðunni þegar búið er að semja þær.

Dagskrá fyrir hvort kvöld er einnig komin á hreint og mun hún birtast hér á síðunni í vikunni.

Framkvæmdagleði okkar Úlfalda á sér öngvin takmörk. Nú á dögunum tókum við okkur til og rústuðum hænsnakofa sem er sambygður tónleikahlöðunni og gerðum prýðisgott hljómsveitarherbergi. Í staðinn fáum við meira pláss í hlöðunni sjálfri sem er gott fyrir alla. Hátíðin er að taka á sig lokamynd og undirbúningur í hámarki. Við viljum biðjast afsökunar á því að vera léleg að smella inn fréttum en á því verður laglega breyting núna. Hljómsveitarlistinn er nú tilbúinn. Það var ánægjulegt að sjá hve margar frábærar  hljómsveitir eru til í að leggja sitt af mörkum. Því miður er ekki pláss fyrir fleiri hljómsveitir í ár þó við glöð vildum hafa fleiri.

Takk í bili: Úlfaldar

Jæja, þá er þetta allt að fara að gerast.                                                     

Á fimmtudaginn næsta (27.05) verður blásið til upphitunar á Sódóma í Reykjavík.  Hefjast þar tónleikar á slaginu 22:00 og standa fram eftir kvöldi.  

Fjórar hljómsveitir verða að spila, Cliff Clavin sem allir ættu að þekkja, Vicky sem allir þekkja, Skálmöld, flunku nýtt súpergrúppuofurmetal band sem enginn má missa af á sínum fyrstu tónleikum, og síaðsst en ekki síst, Thingtak, sem mætir með nýtt lag í vasanum og allt.

Já , það á enginn eftir að sjá eftir 1000 kallinum í þennan eðal, en ágóði að miðasölu rennur í framkvæmdasjóð hátíðarinnar, svo að allt geti þetta nú orðið að veruleika.

Vonumst til að sjá sem flesta,

Góðar stundir.

Jæja, þá eru línur farnar að skýrast varðandi Úlfaldann þetta árið.

Hátíðin verður haldin helgina 9. - 10. júli og verður veðrið gott þá helgi.

Strax eru komnar hljómsveitir á dagskrána og þar hægt að nefna Árstíðir, Cliff Clavin, Of Monsters and Men, og komna alla leið frá Danmörku, Some Shape to Enter. Já það er satt, Úlfaldinn er orðinn International.  Hljómsveitum verða gerð betri skil hér á síðunni undir Dagskrá.  Listinn á eftir að stækka og verður þetta hin mesta skemmtun.

mlka