Dagskráin er sem hér segir:

Föstudagur hefst kl. 19:00

Tom Hannay (UK)

Árstíðir

Kiriyama family

Nögl

Thingtak

Endless dark

Laugardagur hefst kl 18:00

Baggabandið

Of monsters and men

Some shape to enter (DK)

Bróðir Svartúlfs

Nevolution

Cliff Clavin

Jan Mayen

Agent Fresco

Þetta er endanlegur listi gjörið svo vel!

Við minnum á að aðgangur er ókeypis á tónleikana og ekkert aldurstakmark.

Einnig minnum við á okkar frábæra tjaldsvæði sem er í göngufæri við tónleikahlöðuna og kostar litlar 1000 kr. á manninn fyrir helgina.

"Þetta er gjöf en ekki gjald" eins og maðurinn sagði.

Hlökkum til að sjá ykkur hress og kát!

Framkvæmdir eru í fullum gangi og nú síðast var rifinn niður eitt stykki milliveggur svo fleiri komist að í hlöðunni en áður. Sviðið hefur verið rifið til þess eins að flytja það og setja upp aftur á öðrum og betri stað. Video af stórviðburðinum þegar múrinn féll er væntalegt á síðuna á morgun. Einnig var hlaðan sett í tónleikabúninginn með segli ársins sem vegfarendur í Mývatnssveit geta séð.

Mikið hefur verið spurt út í tjaldstæðamál og standa málin þannig að tjaldstæði verður um 500 m frá tónleikahlöðunni og mun kosta litlar 1000 kr per mann alla helgina. Tjaldstæði þetta er sett upp fyrir hátíðina og verður útbúið með helstu nútímaþægindum eins og rennandi vatni og kömrum. Reglur tjaldstæðisins verða birtar á síðunni þegar búið er að semja þær.

Dagskrá fyrir hvort kvöld er einnig komin á hreint og mun hún birtast hér á síðunni í vikunni.

Íslenska þjóðlagarokk/popp sveitin Árstíðir heldur í tónleikaferðalag um Svíþjóð, Noreg og Danmörku nú í lok maí. Hróður sveitarinnar hefur aukist nokkuð jafnt og þétt á Íslandi frá því hún var stofnuð árið 2008, og hefur t.d. fjöldi meðlima tvöfaldast á starfstímanum . Hljómsveitin leikur angurværa og þjóðlagaskotna tónlist, en þó er drifkrafturinn skammt undan þegar við á og gætir þá áhrifa víða að, t.a.m. frá framsæknu rokki. Hljóðfæraskipan bandins er einnig með óhefðbundnu sniði, en hún stendur af þremur kassagíturum, píanói, sellói og fiðlu – auk þess sem allir meðlimir bandsins syngja. Fyrsta plata sveitarinnar kom út í júní á síðasta ári og hafa tvö lög af plötunni setið í efsta sæti vinsældarlista Rásar 2.

Hljómsveitina skipa þeir Bassi, Gummi, Jói, Kalli og Viddi og var stofnað í júní 2008 af þeim Jóa, Kalla og Vidda. Í byrjun voru lög samin og send á milli Íslands og Svíþjóðar þar sem Jói var staddur í Svíþjóð í hljóðtækninámi en núna fyrir nokkrum mánuðum bættust þeir Bassi og Gummi í bandið. Núna þegar allir hafa verið staddir á Íslandi hefur sumarið farið í það að semja, fullklára lög og taka upp. Þeir spila electro pop en þar sem þeir eru fremur nýtt band hefur enn ekkert heyrst frá þeim fram að þessu og þess vegna tilvalið sjá þá á Úlfaldanum, þreyta frumraun sína á sviði.

Jan Mayen kom fyrst fram á sjónarsviðið árið 2003 og gáfu út sína fyrstu plötu, Home of the Free Indeed, ári seinna. Þeir voru tilnefndir til þriggja verðlauna á Íslensku Tónlistarverðlaununum 2005 fyrir plötuna.  Tónlist þeirra hefur verið líst sem blöndu af háværu rokki og poppi og verið líkt við Sonic Youth, The Ramones og The Strokes.  Nú er komin út önnur plata þeirra sem ber nefnið So Much Better Then Your Normal Life.  Jan Mayen komu fram á fyrstu Úlfaldahátíðinni árið 2008 og endurnýja því kynni sín við gesti okkar þetta sumarið.

Tónlistin sem þeir spila er dramatísk blanda af kraftmiklum, þungum gíturum, retro-synth hljómborðum og fullkomin blanda af hreinum söng og öskri. Skuggalegir taktar og trommufillerar gera tónlistinni kleift að breytast stanslaust og byggja upp spenning, en á sama tíma missir hún aldrei sinn þunga "metal" uppruna.  Síðustu afrek þeirra voru að koma fram fyrir Íslands hönd í alþjóðlegu hljómsveitakeppninni Global Battle of the Bands.  Stóðu þeir sig með stakri prýði, tóku annað sætið með sér heim en fengu þó enga fálkaorðu. 

Hljómsveitin Baggabandið samanstendur af 5 ungum einstakllingum úr Vogum í Mývatnssveit. Með-limir hljómsveitarinnar spila nokkur vel valin cover lög til að hita upp fyrir alvöru hljómsveitirnar. Hljómsveitina skipa þeir Marteinn og Skarphéðinn leika á gítar, Hildur spilar á hljómborð og syngur, Kristján lemur húðirnar og Hallgrímur bassafantur plokkar bassann ásamt því að gaula eitt lítið lag.

Nevolution var stofnuð  í janúar 2004 af Gunnari og Heimi.

Mjög markt hefur breyst síðan þá, við orðnir þroskaðri sem tónlistamenn og einig hefur tónlistin breyst töluvert síðan við við gáfum út stuttskífuna “The Jumpstop Theory (2004)

og plötuna “Music To Snap By (2006)”.

Við erum búnir að  vera sveittir að vinna í næstu plötu síðan vor 2009 og við stefnum að því að gefa hana út á þessu ári.Í haust tókum upp myndaband við lagið All I See í vetur en lagið verður að finna á plötunni, sem enn hefur ekki fengið nafn.

Við hvetjum alla til að fylgjast með þeirri sögulegu stund þegar platan mun koma út og allt verður vitlaust!! 

Cliff Clavin er fjögurra manna hljómsveit úr Garðabænum stofnuð snemma árs 2006. Hljómsveitin er skipuð þeim Bjarna Þór (Söngur, Gítar), Arnari Rósenkranz (trommur), Toto (Bassi) og Fannari (Gítar).

         Í lok nóvember 2007 unnu þeir undankeppni Global Battle of the bands sem kom þeim til London í úrslit keppninnar þar sem þeir höfnuðu í 6. sæti.

       Síðan þá hefur hljómsveitin verið jafnt og þétt að ryðja sér til rúms í íslensku tónlistarlífi en þó verið sérstaklega áberandi síðastliðna mánuði. En lögin Midnight Getaways og This Is Where We Kill More Than Time hafa bæði vakið mikla athygli á öldum ljósvakans.

        Cliff Clavin hefur fengið á sig gott orðspor fyrir að vera frábært tónleikaband en hljómsveitin var m.a valin ein af 6 hápunktum Iceland Airwaves 2009 af tónlistarvefsíðunni Thrash Hits og breska tímaritið Kerrang! gaf þeim KKKK fyrir frammistöðu sína á þeirri sömu hátíð.  

Takk í bili: Úlfaldar

Some Shape to Enter er framsækin þungarokkshljómsveit frá
Álaborg í Danmörku. Hljómsveitin sem var stofnuð árið 2007 samanstendur af
þremur hljómsveitarmeðlimum og er þekkt fyrir óhefðbundinn stíl og kraftmikla
sviðsframkomu. Þeir hafa haldið tónleika í Albaníu (á vegum danska sendiráðsins
þar í landi) og auk þess haldið tónleika víða í Danmörku.

Tónleikarnir á úlfalanum verða fyrstu Tónleikar sveitarinnar á Íslandi.

Á fimmtudaginn næsta (27.05) verður blásið til upphitunar á Sódóma í Reykjavík.  Hefjast þar tónleikar á slaginu 22:00 og standa fram eftir kvöldi.  

Fjórar hljómsveitir verða að spila, Cliff Clavin sem allir ættu að þekkja, Vicky sem allir þekkja, Skálmöld, flunku nýtt súpergrúppuofurmetal band sem enginn má missa af á sínum fyrstu tónleikum, og síaðsst en ekki síst, Thingtak, sem mætir með nýtt lag í vasanum og allt.

Já , það á enginn eftir að sjá eftir 1000 kallinum í þennan eðal, en ágóði að miðasölu rennur í framkvæmdasjóð hátíðarinnar, svo að allt geti þetta nú orðið að veruleika.

Vonumst til að sjá sem flesta,

Góðar stundir.

Jæja, þá eru línur farnar að skýrast varðandi Úlfaldann þetta árið.

Hátíðin verður haldin helgina 9. - 10. júli og verður veðrið gott þá helgi.

Strax eru komnar hljómsveitir á dagskrána og þar hægt að nefna Árstíðir, Cliff Clavin, Of Monsters and Men, og komna alla leið frá Danmörku, Some Shape to Enter. Já það er satt, Úlfaldinn er orðinn International.  Hljómsveitum verða gerð betri skil hér á síðunni undir Dagskrá.  Listinn á eftir að stækka og verður þetta hin mesta skemmtun.

mlka